కన్నెమనసులను కలవరపెట్టే.. కొంటెతనం
కదలాడు నీ కన్నుల చిరుకొపం కురిపిస్తూ..
నాపై అలుగుట బావ్యమా సఖీ.. నీకు ?
చిత్రంగా ఎపుడూ చిరునగవుల చిందే నీ పెదవులను
మునిపంట త్రొక్కిపెట్టి మురిపెముగా..
మూడు వంకరలు త్రిప్పుతూ మూతి ముడుచుట..
బావ్యమా సఖీ నీకు.. నాపై అలుగుట ?
నలభీమపాకానికి ఆ పేరెటుల వచ్చెనోనని
ఎపుడూ నాలో సందేహాన్ని రేకెత్తించే నీ చేతివాటమును
ప్రక్కన పెట్టి ఇలా చప్పచప్పగా.. కారంకారంగా..
నాపై నీ అలుకను ప్రదర్శించుట బావ్యమా.. ?
మీ ఆడవారికి ఈ అలుకలు దేవుడిచ్చిన తొలివరమా.. ?
తెలుపరాదటే ఓ సఖీ..? నా అపరాదమేమిటో..?
ఒకసారి మౌనం వీడి వివరించరాదటే నీ మనసునున్న మర్మమేమిటో.. ?
Subscribe to:
Post Comments (Atom)
No comments:
Post a Comment